ភ្នំពេញ៖ អង្គការអេដ អេ អាកស្យុង បានចំណាយថវិកា ២ម៉ឺនដុល្លារទិញសៀវភៅ ក្នុងពិព័រណ៍សៀវភៅលើកទី១២ ។ ក្នុងនោះសៀវភៅមួយចំណែក ត្រូវបានដាក់ក្នុងបណ្ណាល័យចល័ត និងដាក់តាមបណ្ណាល័យនានា ឱ្យជនភៀសសឹកអាន។ លោក វន សំភាស់ ប្រធានអង្គការអេដ អេ អាកស្យុងប្រចាំកម្ពុជា  យល់ថា សៀវភៅមានសារសំខាន់ណាស់ និងបានផ្ដល់ចំណេះដឹងជាច្រើនសម្រាប់មនុស្សគ្រប់រូប។ ប្រធានអង្គការរូបនេះ ជឿជាក់ថា សៀវភៅដែលអង្គការអេដ អេ អាកស្យុង បានទិញនេះ នឹងជួយជំរុញការអាននៅតំបន់ភៀសសឹក ជាពិសេសសម្រាប់កុមារដែលខកខានរៀនសូត្រដោយសារការឈ្លានពានរបស់យោធាថៃមកលើទឹកដីកម្ពុជា។  ក្នុងពិព័រណ៍សៀវភៅលើកទី១២ ឆ្នាំ២០២៥នេះ លោក វន សំភាស់ បង្ហាញអារម្មណ៍រំភើប និងសាទរជាមួយអ្នកនិពន្ធទូទាំងប្រទេសដែលប្រឹងប្រែងនាំយកសៀវភៅជាច្រើន និងសុទ្ធសឹងជាប្រភពចំណេះដឹងដល់យុវជន-សិស្សានុសិស្ស។ ជាមួយគ្នានេះ លោក សំភាស់…

អាគារ​សិក្សា​ចំនួន​៣​ខ្នង​ស្ថិត​ក្នុង​ស្រុក​ព្រែក​ប្រសព្វ និង​ស្រុក​សំបូរ​ខេត្ត​ក្រចេះ​ដែល​ជា​ជំនួយ​របស់​អង្គការ​ទស្សនៈ​ពិភព​លោក និង​អង្គការ​អេដ អេ អាកស្យុង ​ត្រូវ​បាន​ដាក់​សម្ពោធ​ ដោយ​បាន​ទាក់ទាញ​ចំណាប់​អារម្មណ៍​ពី​រដ្ឋមន្ត្រី​អប់រំ​ ឧបនាយករដ្ឋមន្ត្រី ហង់ជួន ណារ៉ុន មក​ចូលរួម​ដោយ​ផ្ទាល់​។ ថ្លែង​ក្នុង​ពិធី​សម្ពោធ​ដាក់​ឱ្យ​ប្រើប្រាស់​នៅ​ក្នុង​បរិវេន​សាលា​បឋម​សិក្សា​ត្រាំ​ដំ នៅ​ស្រុក​សំបូរ ខេត្ត​ក្រចេះ ​នៅ​ថ្ងៃទី​៨ ខែ​ធ្នូ ឆ្នាំ​២០២៥ លោក​ឧបនាយករដ្ឋមន្ត្រី ហង់ជួន ណារ៉ុន បាន​ថ្លែង​ថា​​អំណរ​គុណ​ចំពោះ​អង្គការ​ទស្សនៈ​ពិភព​លោក និង​អង្គការ អេដ អេ អាក់ស្យុង ​ដែល​បាន​គាំទ្រ​ដល់​វិស័យ​អប់រំ​ លើក​ស្ទួយ​ ការ​ពារ​កុមារ​នៅ​កម្ពុជា​​។ លោក​ថា​ទោះ​បី​ទីតាំង​សាលា​នៅ​ឆ្ងាយ​តែ​លោក​ត្រូវ​តែ​ចូលរួម​ដើម្បី​លើក​ទឹកចិត្ត​ដល់​លោកគ្រូ អ្នកគ្រូ សិស្សានុសិស្ស ​និង​អង្គការ​សប្បុរស​ធម៌​ទាំង​នេះ​។ លោក​ថា៖ «សូម​សំដែង​នូវ​ការ​គោរព​របស់​លោក​គ្រូ​អ្នក​គ្រូ​ដើម្បី​អាច​ឱ្យ​កូនៗ​របស់​យើង​នេះ​ដែល​នៅ​ទី​ឆ្ងាយ​បាន​ទទួល​នូវ​ការអប់រំ​ ខ្ញុំ​សូម​អរគុណ​។ អ៊ីចឹង​ហើយ​បាន​ខ្ញុំ​សុខ​ចិត្ត​ថា​ទៅ​នៅ​ទី​ឆ្ងាយ​ក៏​ត្រូវ​តែ​មក​ដើម្បី​ឱ្យ​ឃើញ​នូវ​សមិទ្ធផល​ថ្មី​ៗ​ទៀត​នេះ»។ លោក​ឧបនាយករដ្ឋមន្ត្រី​ក៏​បាន​បន្ថែម​ផង​ដែរ​ថា​ជំនួយ​របស់​អង្គការ​ក្រៅ​រដ្ឋាភិបាល​ពិត​ជា​បាន​ជួយ​គាំទ្រ​ដល់​ការ​ខិតខំ​របស់​រដ្ឋាភិបាល​ក្នុង​ការ​លើ​កម្ពស់​ធនធាន​មនុស្ស​នៅ​កម្ពុជា។ ​​បច្ចុប្បន្ន​កម្ពុជា​មាន​សាលា​នៅ​ទូ​ទាំង​ប្រទេស​ប្រមាណ​១ម៉ឺន​សាលា​ ក្នុង​នោះ​ជាង​ ៧…