សាលាបឋមកំពង់ភ្លុក ទទួលបានកុំព្យូទ័រលើកដំបូងពី AEA ដើម្បីពង្រឹងចំណេះដឹងសិស្សកម្រិតបឋម
សៀមរាប៖ អង្គការ អេដ អេ អាកស្យុង កំពុងចូលរួមលើកកម្ពស់ការអប់រំកុមារនៅតំបន់ដាច់ស្រយាលលើបឹងទន្លេសាប តាមរយៈជំនួយឧបត្ថម្ភ មានទាំងថវិកាគាំទ្រ និងសម្ភារសិក្សាជាដើម។ ជាក់ស្ដែងដូចជាសាលាបឋមសិក្សាកំពង់ភ្លុក ដែលស្ថិតក្នុងភូមិដីក្រហម ឃុំកំពង់ភ្លុក ស្រុកប្រាសាទបាគង ខេត្តសៀមរាប បានទទួលកុំព្យូទ័រចំនួន១០គ្រឿង និងម៉ូនីទ័រចំនួន១០គ្រឿង ពីអេដ អេ អាកស្យុង។ ជំនួយទាំងនេះ ជាផ្នែកមួយជួយបង្កើនគុណភាពអប់រំផ្សាភ្ជាប់នឹងជំនាញកុំព្យូទ័រ និងបច្ចេកវិទ្យា សម្រាប់កុមារក្នុងកម្រិតបឋម។ លោក ទៀ សាវុធ នាយកសាលាបឋមសិក្សាកំពង់ភ្លុក បានលើកឡើងថា ជំនួយឧបត្ថម្ភកុំព្យូទ័រពីអង្គការ អេដ អេ អាកស្យុង គឺពិតជាមានសារសំខាន់ អាចឱ្យសិស្សបានស្គាល់ និងរៀនកុំព្យូទ័រ បច្ចេកវិទ្យា បង្កើនចំណេះដឹង ហើយក៏ជាគ្រឹះសម្រាប់ពួកគេបន្តទៅថ្នាក់អនុវិទ្យាល័យ និងវិទ្យាល័យផង។ លោក…
