«កង់»ជាមធ្យោបាយដ៏សំខាន់នាំកុមារក្រីក្រនៅទីជនបទឆ្ពោះទៅរកវិជ្ជា
សៀមរាប៖ កង់ ជាមធ្យោបាយដ៏មានសារៈសំខាន់សម្រាប់កុមារនៅទីជនបទ ដែលមានផ្ទះ នៅឆ្ងាយពីសាលារៀន។ មធ្យោបាយធ្វើដំណើរនេះ មានសារៈសំខាន់ណាស់សម្រាប់ការសិក្សា របស់កុមារក្រីក្រ នៅទីជនបទ ដើម្បីទទួលបានការអប់រំ។ ដោយមើលឃើញពីសារៈសំខាន់ អង្គការ អ្ស័កស៊ិន អេឌ្យូខេស៊ិន កាលពីថ្ងៃទី៣១ ខែកក្កដា បានចូលរួមនាំយកសម្ភារៈសិក្សាមួយចំនួន ជាពិសេសកង់ សម្រាប់ចែកជូនសិស្សានុសិស្សដែលមានជីវភាពខ្វះខាត នៅទីជនបទ។ ក្នុងនោះមានសាលាបឋមសិក្សាស្នួល អនុវិទ្យាល័យបឹងព្រីង និងសាលាបឋមសិក្សា ហ៊ុន សែន ប្រម៉ោយ នៅក្នុងភូមិសាស្ត្រឃុំស្នួល ស្រុកក្រឡាញ់ ខេត្តសៀមរាប៕
