រយៈពេល ២ថ្ងៃពេញ នៅចុងខែកុម្ភៈ ឆ្នាំ២០២៤ នេះ អង្គការ អេដ អេ អាកស្យុង (Aide et Action) បានសម្របសម្រួលឲ្យអ្នកសារព័ត៌មានជាតិ និងអន្ដរជាតិ ៤ស្ថាប័ន ចុះជួបសម្ភាសន៍ និងស្វែងយល់ដោយផ្ទាល់ជាមួយប្រជាសហគមន៍នៅក្នុងខេត្ដកំពត និងខេត្ដកែប។ សហគមន៍ដែលផ្ដោតលើវិស័យទេសចរ និងមុខរបរនេសាទចំនួន ៤ បានបង្ហាញបញ្ហាប្រឈម និងកិច្ចខិតខំប្រឹងប្រែងរបស់ខ្លួនលើការងារអភិរក្សធនធានធម្មជាតិ ជាពិសេសធនធានសមុទ្រ ដើម្បីអាចរក្សានិរន្ដរភាពទិន្នផលនេសាទ និងបង្កើនភាពទាក់ទាញដល់ភ្ញៀវទេសចរជាតិ និងអន្ដរជាតិ។ ផ្ដើមចេញពីសហគមន៍នេសាទ អូរក្រសារ ខេត្ដកែប។ លោក នួន សុភក្ដ្រ ដែលជាប្រធានសហគមន៍ ឲ្យដឹងថា សហគមន៍របស់លោកត្រូវបានបង្កើតឡើងក្នុងឆ្នាំ២០០៥ ដោយមានផ្ទៃដីព្រៃកោងកាង និងផ្ទៃទឹកអភិរក្សសរុបចំនួន ៤៤៦ហិកតារ។ សហគមន៍បានជួបបញ្ហាប្រឈមជាច្រើន…

បាត់ដំបង៖ សាលាបឋមសិក្សាព្រែកទាល់ និងសាលាបឋមសិក្សា និងអនុវិទ្យាល័យឃុំកោះជីវាំងដែលស្ថិតស្រុកឯកភ្នំ ខេត្តបាត់ដំបូង ដោយមានកុមារ-កុមារីជាង ១៧០០ នាក់ បានចូលរួមកម្មវិធីអបទរសាទរទិវាអន្តរជាតិនៃការអប់រំក្រោមប្រធានបទ “ការសិក្សារៀន ដើម្បីកសាង និងរក្សាសន្តិភាព” ដែលប្រព្រឹត្តនៅថ្ងៃទី២០ ខែមករា ឆ្នាំ ២០២៤ នៅសហគមន៍បឹងទន្លេសាប។ លោក វន ពិសី នាយកសាលាសាលាបឋមសិក្សាព្រែកទាល់បានប្រាប់ឲ្យដឹងថា សាលាបឋមសិក្សាភូមិនព្រែកទាល់ ឃុំកោះជីវាំង ស្រុកស្រុកឯកភ្នំ ខេត្តបាត់ដំបូង ដោយមានសិស្សានុសិស្សមានចំនួន ២៨០ នាក់ក្នុងនោះកុមារី ១៣២ នាក់ចាប់ពីថ្នាក់មតេ្តយ្យសហគមន៍រហូតដល់ថ្នាក់ទី៦ ហើយសិស្សានុសិស្សទាំងនេះ ពួកគេជាកូនចៅបងប្អូនរស់នៅតាមដងបឹងទន្លេសាប ពីមុខសាលាស្ថិតនៅលើផ្ទៃទឹក ដោយមានសប្បុរជនបានជួយឲ្យកសាងសាលានេះរហូតដល់ឆ្នាំ ២០១៩ រួចរាល់ស្ថាពរ។ ចំណែកលោកលោក ងឿម វិច្ឆិកា គ្រូបង្រៀនអនុវិទ្យាល័យឃុំកោះជីវាំងបាននិយាយថា…