Category ខ្មែរ

លោក វន សំភាស់ នាយកប្រចាំប្រទេសអង្គការ អេដ អេ អាកស្យុង ធ្លាប់ជាយុវជនស័្មគ្រចិត្តបង្រៀនភាសាអង់គ្លេសដល់អ្នកទោសប្រមាណ១៥០នាក់រយៈពេលជិត១ឆ្នាំ នៅក្នុងពន្ធនាគារខេត្តបាត់ដំបង ដើម្បីបំពេញក្តីស្រម៉ៃដែលចង់ក្លាយជាគ្រូបង្រៀន។ ៥ឆ្នាំក្រោយមកក្តីស្រម៉ៃរបស់លោកបានក្លាយជាការពិតដោយលោកបានក្លាយជាគ្រូមហាវិទ្យាល័យថ្នាក់បរិញ្ញាបត្រ ហើយ៧ឆ្នាំក្រោយលោកក៏បានក្លាយជាគ្រូបង្រៀននៅមហាវិទ្យាល័យផ្នែកអនុបណ្ឌិត និងមានឱកាសបន្តការសិក្សានៅក្រៅប្រទេស។ លោកបញ្ជាក់ថា លទ្ធផលនេះគឺកើតចេញពីការងារស្ម័គ្រចិត្តរបស់លោក។ ដូច្នេះហើយទើបលោកចាត់ទុកថា ការងារស្ម័គ្រចិត្តពិតជាមានសារៈសំខាន់ណាស់សម្រាប់យុវជន ដោយជួយពង្រឹងបំណិន ជំនាញទំនាក់ទំនង ដោះស្រាយបញ្ហា កៀរគរធនធាន និងធ្វើការងារជាក្រុម ដែលទាំងនេះគឺជាជំនាញដែលត្រូវការសម្រាប់ការងារ ជីវិតប្រចាំថ្ងៃ និងអនាគតរបស់ពួកគេទាំងមូល។    បញ្ជាក់ប្រាប់អ្នកសារព័ត៌មាននៅក្នុងកម្មវិធីការប្រារព្ធទិវាអន្តរជាតិអ្នកស្ម័គ្រចិត្ត និងវគ្គផ្តាច់ព្រ័ត្រកម្មវិធីការស្ម័គ្រចិត្តដើម្បីសហគមន៍ខ្ញុំនាថ្ងៃទី ៣ ខែធ្នូ ឆ្នាំ២០២៥ លោក វន សំភាស់ បានលើកឡើងបន្ថែមថា អង្គការអេដ អេ អាកស្យុង តែងតែបានចូលរួមគាំទ្រចលនាស្ម័គ្រចិត្តទាំងយុវជន និងមនុស្សពេញវ័យ…

បញ្ហាជម្លោះព្រំដែនរវាងកម្ពុជា និងថៃ មកទល់និងពេលនេះ នៅតែបន្តអូសបន្លាយ ដែលបានបន្សល់នៅពលរដ្ឋជនភៀសសឹក និងកុមាររាប់ពាន់នាក់ ត្រូវឃ្លាតឆ្ងាយផ្ទះសម្បែង។ យ៉ាងណាមិញ គេនៅតែសង្កេតឃើញថា អ្នកដែលត្រូវទទួលរងផលប៉ះពាល់ខ្លាំងជាងគេ គឺ កុមារដែលជាធនធានទំពាំងស្នងឬស្សី ដែលពួកគេទាំងនោះ ចាំបាច់ត្រូវទទួលបានការរៀនសូត្រពេញលេញ ខណៈបច្ចុប្បន្នក្រសួងអប់រំ បានបញ្ជូនគ្រូ និងសំភារៈសិក្សាមួយចំនួនទៅកាន់ជំរំមណ្ឌលភៀសសឹកបែបណាក្ដី តែកុមារមួយចំនួនហាក់ពុំទាន់បានទទួលបានការអប់រំពេញលេញនៅឡើយ។  កុមារារៀនថ្នាក់ទី០៤ ឃីម វ៉ាន់ឈៀង ដែលកំពុងស្នាក់នៅជំរុំមណ្ឌលភៀសសឹកវត្តពោធិ ៥០០០ ដើម បានលើកឡើងទាំងទឹកមុខស្រពាប់ស្រពោនថា ការស្នាក់នៅក្នុងជំរុំ រូបគេជួបផលលំបាកខ្លាំងនៅពេលមានភ្លៀងម្ដងៗ ហើយការសិក្សាក៏ពុំបានជាប់លាប់ដោយសារតែគ្រួសារខ្វះលទ្ធភាពផ្គត់ផ្គង់ការសិក្សា។  កុមារា ឃីម វ៉ាន់ឈៀង បានអំពាវនាវឱ្យសហគមន៍អន្តរជាតិនានា ជួយទៅដល់ប្រទេសកម្ពុជា ដើម្បីឈានទៅរកការបញ្ចប់សង្គ្រាម ហើយរូបគេពិតជាចង់ឃើញប្រទេសកម្ពុជា វិលទៅរកភាពប្រក្រតីឡើងវិញឆាប់ ដើម្បីអាចឱ្យពួកគេមានឱកាសបានត្រលប់ទៅផ្ទះ និងបានចូលរៀនពេញលេញដូចកុមារដ៏ទៃ។  យុវត្តីសិស្សថ្នាក់ទី៦ សា…

ក្នុងឱកាសពិធីបុណ្យភ្ជុំបិណ្ឌ និងអនុស្សាវរីយ៍ ថ្ងៃអន្តរជាតិការពារការអប់រំពីការវាយប្រហារ ធ្វើឱ្យអន្តរាយ តែងប្រារព្ធឡើងនៅថ្ងៃទី០៩ ខែកញ្ញា អង្គការ អេដ អេ អាកស្យុង បានចូលរួមអបអរសាទរជាមួយសហគមន៍ និងពិភពលោក ដើម្បីលើកស្ទួយសារៈសំខាន់នៃការការពារសាលារៀន និងការអប់រំជាកន្លែងសុវត្ថិភាពសម្រាប់កុមារ ដែលរងផលប៉ពាល់ដោយជម្លោះព្រំដែនកម្ពុជា-ថៃ នៅក្នុងអំឡុងពិធីរាប់បាត្រព្រះសង្ឃចំនួន ១០០០អង្គ ផ្សព្វផ្សាយឧទិសមហាកុសលដល់វីរៈកងទ័ពពលីក្នុងសង្រ្គាមនៅវត្តពោធិ៥០០០ដើម។ យ៉ាងណាមិញ នៅខេត្តព្រះវិហារ ថ្ងៃបិណ្ឌមួយនេះ ព្រះសង្ឃចំនួន ១,០០០អង្គ បានចូលរួមក្នុងពិធីរាប់បាត្រ និងគោចចង្រ្កមចំរើនមេត្តាភាវនាផ្សាយមហាកុសលដើម្បីអនុមោទនាបុណ្យ និងឧទ្ទិសមហាកុសលជូនបុព្វការីគុណ ញាតិសណ្តាន វីវៈកងទ័ពពលី ព្រមទាំងផ្តល់ពរជ័យឲ្យកុមារ និងគ្រួសារកម្ពុជាទូទាំងប្រទេស។ ប្រធានអង្គការ អេដ អេ អាកស្យុង កម្ពុជា លោក វន់ សំភាស់ បានភ្ជាប់សារ គាំទ្ររបស់ខ្លួនជាមួយព្រឹត្តិការណ៍វប្បធម៌នេះ…

ដើម្បីចូលរួមជាមួយរដ្ឋាភិបាល និង ក្រសួងអប់រំ យុវជន និងកីឡា ផ្ដោតទៅលើការជម្រុញឱ្យកុមារចំនាកស្រុកពីប្រទេសថៃ ត្រលប់មកស្រុកកំណើត មានលទ្ធភាពបានចូលរៀនឡើងវិញ អង្គការ អេដ អេ អាក់ស្យុង គ្រោងនឹងផ្ដល់ជំនួយមនុស្សធម៌ រួមជាមួយសំភារសិក្សាមួយចំនួន ទៅកាន់កុមារជាង២ម៉ឺននាក់នៅទូទាំងរាជធានី-ខេត្ត។ នេះបើតាមការលើកឡើង លោក វន សំភាស់ ប្រធានអង្គការ អេដ អេ អាក់ស្យុង (AEA) បានប្រាប់សារព័ត៌មាន Tnaot កាលពីពេលថ្មីៗនេះ។ លោកបានបន្ថែមថា អង្គការ AEA គ្រោងនឹងជួយផ្ដល់ជាមធ្យោបាយធ្វើដំណើរ និង សំភារៈសិក្សាមួយចំនួនទៅដល់កុមារចំនួនជាង២ម៉ឺននាក់ ដែលមានឪពុកម្ដាយធ្វើការនៅប្រទេសថៃ ហើយបានវិលត្រលប់មកកម្ពុជាវិញ ខណៈលោកមើលឃើញថា កុមារភាគច្រើន គឺមានជីវភាពខ្វះខាត និងត្រូវការការគាំទ្រពីគ្រប់សមភាគី និងអង្គការដៃគូរអភិវឌ្ឍនានចូលរួមជួយទៅកាន់ពួកគេ។…

ដោយមើលឃើញនៅទុក្ខលំបាកសម្រាប់កុមារតូចៗ ដែលសិក្សានៅកម្រិតបឋមសិក្សានៅតាមបណ្ដាខេត្តគោលដៅ ដែលជួបប្រទះបញ្ហាខ្វះខាតមធ្យោបាយធ្វើដំណើរៀនសូត្រ និង សង្កេតឃើញថា កុមារមួយចំនួនរស់នៅឆ្ងាយពីសាលារៀន ពិបាកក្នុងការធ្វើដំណើរទៅកាន់សាលា អង្គការ អេដ អេ អាក់ស្យុង ក្នុងភាពជាដៃគូជាមួយនិង មូលនិធិ Education Above All Foundation បានផ្ដល់កង់សរុបចំនួនជាង ២៥ ០០០គ្រឿងដល់កុមារដែលងាយរងគ្រោះ និងមានជីវភាពខ្វះខាតនៅទូទាំង២៥រាជធានី-ខេត្ត ដើម្បីឱ្យពួកគេមានលទ្ធមានមធ្យោបាយគ្រប់គ្រាន់ទៅសិក្សារៀនសូត្រនៅសាលារៀន។ លោក វន សំភាស់ ប្រធានអង្គការ អេដ អេ អាក់ស្យុង (AEA) បានប្រាប់សារព័ត៌មាន Tnaot អំឡុងពេលទៅចូលរួមពិធីប្រគល់ ទទួលសម្ភារៈសិក្សា កង់ ឡាបូលាងសម្អាតដៃ និងម៉ាស៊ីនចម្រោះទឹកស្អាត ជូនដល់កុមារជួបការលំបាក កាលពីថ្ងៃម្សិលមិញថា AEA…

កាលពីពេលថ្មីៗនេះ អង្គការ អេដ អេ អាកស្យុង (AEA) ក្នុងភាពជាដៃគូជាមួយ មូលនិធិដើម្បីការអប់រំ (Education Above All Foundation) បានរួមដំណើរជាមួយថ្នាក់ដឹកនាំ ក្រសួងអប់រំ យុវជន និងកីឡា ឯកឧត្តមបណ្ឌិត ចាន់ សុភា អនុរដ្ឋលេខាធិការ ធ្វើទស្សនៈកិច្ចស្ថានភាព សាលារៀន ចំនួន៨ នៅតាមបន្ទាត់ព្រំដែន ក្នុងខេត្តឧត្តរមានជ័យ ដែលរងផលប៉ះពាល់ដោយសារសង្គ្រាម នាពេលថ្មីៗ កន្លងមកនេះ។ ក្នុងដំណើរទស្សនៈកិច្ចនេះ អង្គការ អេដ អេ អាកស្យុង បានរួមចំណែកជាមួយក្រសួងក្នុងការផ្តល់នូវសម្ភារៈសិក្សា ឌីជីថល ជាកុំព្យូទ័របន្ទះ (iPad) ៦០គ្រឿង និងកុំព្យូទ័រ (All-in-one)…

ព្រះវិហារ៖ អង្គការ អេដ អេ អាកស្យុង បានបង្កើតបណ្ណាល័យឲ្យកុមារនៅជំរំភៀសសឹកចំនួន៣ នៅខេត្តពោធិ៍សាត់ ឧត្តរមានជ័យ និងព្រះវិហារ។ បើតាមតំណាងអង្គការ អេដ អេ អាកស្យុង បណ្ណាល័យទាំងនេះ នឹងជួយឲ្យកុមារទទួលបានការអប់រំ និងជួយព្យាបាលផ្លូវចិត្តរបស់កុមារភៀសសឹក ពីអារម្មណ៍ភ័យខ្លាច និងក្ដីរលឹកដល់ផ្ទះ និងសាលារៀន។ ​ សេចក្តីបញ្ជាក់៖ អត្ថបទនេះត្រូវបានចុះផ្សាយជាលើកដំបូងនៅលើគេហទំព័រសារព័ត៌មាន ថ្មីៗ កាលពីថ្ងៃទី១៧ ខែសីហា ឆ្នាំ២០២៥ និងត្រូវបានផ្សព្វផ្សាយឡើងវិញនៅទីនេះដោយមានការអនុញ្ញាត។ សូមចុច ទីនេះ  ដើម្បីអានអត្ថបទដើម។

ពោធិ៍សាត់៖ អង្គការ អេដ អេ អាកស្យុង បានបង្កើតបណ្ណាល័យក្នុងជំរំភៀសខ្លួន នៅស្រុក វាលវែង ខេត្តពោធិ៍សាត់ ដើម្បីឲ្យកុមារទទួលបានការរៀនសូត្រ និងចំណេះដឹង។ បណ្ណាល័យតូចនេះ បានផ្តល់ភាពរីករាយ ដោយពួកគេបានអានសៀវភៅ និងផាត់ពណ៌នៅលើរូបភាព ក្រោយខកខានរៀនជាងមួយសប្តាហ៍។ ជាពិសេសជួយកាត់បន្ថយភាពភ័យខ្លាច របស់កុមារភៀសសឹកជាច្រើន និងសម្រាលអារម្មណ៍នឹកផ្ទះ នឹកសាលា ផងដែរ។ សេចក្តីបញ្ជាក់៖ អត្ថបទនេះត្រូវបានចុះផ្សាយជាលើកដំបូងនៅលើគេហទំព័រសារព័ត៌មាន ថ្មីៗ កាលពីថ្ងៃទី០៤ ខែសីហា ឆ្នាំ២០២៥ និងត្រូវបានផ្សព្វផ្សាយឡើងវិញនៅទីនេះដោយមានការអនុញ្ញាត។ សូមចុច ទីនេះ  ដើម្បីអានអត្ថបទដើម។

ពេញ៖ សំណេរ គឺជាឯកសារដ៏សំខាន់ សម្រាប់មនុស្សជំនាន់ក្រោយ។ ដូច្នេះ យុវជនគួរតែងាកមកចាប់អារម្មណ៍ការសរសេរ ការតែងនិពន្ធ ឲ្យបានច្រើនជាងការអាន។ នេះជាលើកឡើងរបស់លោក ជិន ប្រសិទ្ធ មន្ត្រីកម្មវិធីនៃអង្គការ អេដ អាអាស្យុង នៅក្នុងវគ្គបណ្ដុះបណ្ដាលជំនាញសរសេរ ផលិតសៀវភៅ ទៅសិក្ខាកាមជាង១០រូប ពីក្លិបអ្នកនិពន្ធវ័យក្មេង នៅថ្ងៃទី១២ កក្កដានេះ។ វគ្គបណ្ដុះបណ្ដាលជំនាញសរសេរ ផលិតសៀវភៅ និងការបោះពុម្ព ដល់សិក្ខាកាមជាង១០រូបនេះ ប្រព្រឹត្តទៅនៅសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន ហៅកាត់ ស.ស.រ ស្ថិតនៅអាគារលេខ១៩ រុក្ខវិថីព្រះមហាក្សត្រីយានីកុសមៈ ផ្លូវលេខ១០៦ សង្កាត់វត្តភ្នំ ខណ្ឌដូនពេញ រាជធានីភ្នំពេញ។ លោក ជិន ប្រសិទ្ធ មើលឃើញថា បច្ចុប្បន្ន…

ភ្នំពេញ៖ ដើម្បីជួយដល់កសិករឱ្យមានចំណូលស្ថេរភាព និងបង្កើនទិន្នផលទ្វេដង អង្គការអេដ អេអាក ស្យុង (Aide et Action) បានគាំទ្រវគ្គបណ្ដុះបណ្តាលដាំដុះបន្លែ ក្រោមគម្រោង Co-Saved ។ គម្រោងនេះ  ផ្ដោតសំខាន់ទៅលើការបណ្តុះបណ្តាលបច្ចេកទេសដាំដុះ និងថែទាំដំណាំ ជាពិសេសការប្រើប្រាស់គ្រាប់ពូជ ដែលធន់នឹងជំងឺ និងសត្វល្អិតចង្រៃ។ គ្រួសារចំនួន ១៨ ស្ថិតនៅខេត្តនៅភូមិអណ្តូងថ្ម ឃុំអណ្តូងថ្ម ស្រុកព្រៃនប់ ខេត្តព្រះសីហនុ កំពុងអនុវត្តគម្រោងបណ្តុះបណ្តាលជំនាញដាំដុះបន្លែ ក្រោមគម្រោង Co-Saved។ ក្នុងវគ្គបណ្តុះបណ្តាលនេះ ប្រជាកសិករ ទទួលបាននូវជំនាញបណ្តុះពូជបន្លែគុណភាព ការគ្រប់គ្រងជំងឺ ឬសត្វល្អិត និងការធ្វើជីធម្មជាតិចិញ្ចឹមដាំដុះប្រកបដោយចីរភាព។  អង្គការ អេដ អេ អាកស្យុង(AEA) និងមន្ទីរកសិកម្មខេត្តព្រះសីហនុ បានសហការគ្នា…