អគារមជ្ឈមណ្ឌលសិក្សាពេញ ១ ជីវិតថ្មី នៅទីក្រុងប៉ោយប៉ែត នឹងផ្តល់ការអប់រំដល់កុមារតាមចិញ្ចើមផ្លូវ
បន្ទាយមានជ័យៈអគារមជ្ឈមណ្ឌលសិក្សាពេញ ១ ជីវិតនៅក្រុងប៉ោយប៉ែត បានបើកសម្ពោធកាលពីថ្ងៃទី ០២ កញ្ញា ដើម្បីផ្តល់ការអប់រំដល់កុមារតាមចិញ្ចើមផ្លូវ កាត់បន្ថយហានិភ័យនៃការកេងប្រវ័ញ្ច និងការជួញដូរកុមារ និងយុវជននៅតាមព្រំដែនកម្ពុជា-ថៃ។ ពិធីសម្ពោធបានប្រព្រឹត្តទៅនៅមជ្ឈមណ្ឌលអង្គការតំណក់ទឹក នាថ្ងៃទី ០២ ខែ កញ្ញា ឆ្នាំ ២០២២ ដោយមានការចូលរួមពីក្រសួងអប់រំ យុវជន និងកីឡា អភិបាលខេត្តបន្ទាយមានជ័យ តំណាងម្ចាស់ជំនួយ និងអង្គការដៃគូមានដូចជាអង្គការ Aide et Action (Action Education)អង្គការ Educate A Child (EAC) និង Manos Unidas។ អគារសិក្សាថ្មី ដែលមានទីតាំងស្ថិតនៅក្នុងបរិវេណមជ្ឈមណ្ឌលសិក្សាពេញ ១ ជីវិតថ្មី នៃអង្គការតំណក់ទឹក…
