សិស្សមត្តេយ្យ និងថ្នាក់ទី៦ នៅក្រុងកែប ៣០០នាក់ ស្លៀកឯកសណ្ឋានទទួលលិខិតសិក្សាដូចសិស្សសាលាឯកជន
ការិយាល័យអប់រំក្រុងកែប បានរៀបចំពិធីប្រគល់លិខិតសិក្សាដល់កុមារដែលបានឆ្លងកាត់មត្តេយ្យសិក្សា និងសិស្សថ្នាក់ទី៦ ដែលមាននិទ្ទេស A សរុប៣០០នាក់ សម្រាប់ឆ្នាំសិក្សា ២០២៣-២០២៤ កាលពីថ្ងៃទី១៩ ខែកញ្ញា។ សិស្សទាំង៣០០នាក់ សុទ្ធតែស្លៀកសម្លៀកបំពាក់ឯកសណ្ឋានទទួលលិខិតបញ្ជាក់ការសិក្សា ដូចសាលាឯកជន។ ក្នុងចំណោមកុមារទាំង៣០០នាក់ ដែលចូលរួមក្នុងពិធី ប្រគល់លិខិតសិក្សាកាលពី មានសិស្សមត្តេយ្យសហគមន៍ និងមេត្តេយ្យរដ្ឋក្នុងទូទាំងក្រុងកែប ២៧០នាក់ និងសិស្សថ្នាក់ទី៦ ដែលមាននិទ្ទេស A ចំនួន៣០នាក់ ដែលពួកគេ ជាសិស្សនៅបឋមសិក្សាចំនួន៩ ក្នុងក្រុងកែប។ លោក គាត សារ៉ាក់ ប្រធានការិយាល័យអប់រំក្រុងកែប បានថ្លែងប្រាប់សារព័ត៌មានឌីជីថលថ្មីៗថា មូលហេតុដែលការិយាល័យអប់រំ រៀបចំឯកសណ្ឋាន និងពិធីប្រគល់លិខិតសិក្សាដល់សិស្សនេះ ព្រោះចង់លើកទឹកចិត្តដល់សិស្សានុសិស្សខិតខំសិក្សាឱ្យបានពូកែ និងចង់បង្ហាញពីតម្លៃនៃការសិក្សាថ្នាក់មត្តេយ្យសិក្សា ទៅដល់អាណាព្យាបាលសិស្សនៅទូទាំងក្រុងកែបដែរ។ លើសពីនេះ លោក គាត…
